Naturaren Zientzien ekarpena konpetentzia digitala garatzeko eta konpetentzia digitalaren ekarpena konpetentzia zientifikoaren garapenean
Ikerketa zientifikoak bideratzeko beharrezkoak diren informazioaren eskuratze, biltze, gordetze, partekatze, ulertze, baloratze eta komunikatze prozeduren lanketa eta ezagutza.
Informazio iturri nagusienetakoa da esparru digitala eta ezinbestekoak bilakatu dira IKTei lotutako berariazko ezagutzak. Zientziaren kasuan, bereziki, garrantzitsua da informazio iturriak baloratzen jakitea, haren fidagarritasuna eta edukiaren balio zientifikoa ziurtatu ahal izateko.
Informazioaren ulermena bideratzeko lagungarriak diren eskemak, kontzeptu mapak…egiteko eta lana modu kolaboratiboan egiteko bitarteko eraginkorrak dira IKT baliabideak.
Naturaren Zientzien berezko objektuen (materia, kosmosa, energia, lurra, ingurune biologikoa…) errepresentaziorako, bai modu estatikoan eta bai dinamikoan, bitarteko lagungarriak dira IKTak.
Simuladoreen laguntzaz errealitatearen errepresentazio dinamikoa hurbilagotik behatu eta landu daiteke. Horretaz gain, espazio eta denbora konkretu batean esperimentatzeko konplexuak diren egoerak, ikasleentzat egingarriak eta errepikagarriak bihurtzen dira simuladoreak erabiliz.
Laborategietan erabiltzen diren tresneri elektroniko eta teknikek (mikroskopio digitala, Phmetroa, GPSa…) datu multzo handiak jasotzea eta kudeatzea ahalbideratzen dute aplikazio informatikoak erabiliz.
Informazioaren konpetentzia: infografia
